لە یاریەکەی دوێنێ شەوی جامی کاراباوی ئینگلتەڕا لەنێوان لیڤەرپول و ساوسهامتن ڕووداوێکی نەخوازراو ڕوویدا و جیۆڤانی لیۆنی بەرگریکاری لاوی یانەی لیڤەرپول تووشی پێکانێکی سەخت بوو بەناچاری لەخولەکی 80ـی یاریەکە یاریگای جێهێـشت و بەپەلە ڕەوانەی نەخۆشخانە کرا.
بەپێی زانیاریەکان بێت فاریزۆ ڕۆمانۆی ڕۆژنامەنووسی ئیتاڵی بڵاوی کردەوە،کە جیۆڤانی تووشی پچڕانی بەستەرەکانی بووە و دەبێت نەشتەرگەری ئەنجام بدات ئەمەش وادەکات یاریزانەکە بۆ ماوەی چەند مانگێک لە یاریگاکان دابڕێت و گورزێکی کوشندەش بەر ئاڕن سڵۆت و لیڤەرپول دەکەوێت.
جیۆڤانی ئەنتۆنیۆ لیۆنی ئیتاڵی لەدایک بووی ساڵی 2006ـی شاری ڕۆمایە و لە هاوینی ئەمساڵ لەیانەی پارمای ئیتاڵیەوە ڕووی کردە لیڤەرپول بەبڕی 30 ملیۆن یۆرۆ،بەڵام دوێنێ شەو بێدادانە کەوتە داوی پێکان و ماوەیەکی دوور و درێژی دەوێت بۆ چاک بوونەوە.
“سەرکار ڕێبوار”