ئەستێرەی جیهانی، مۆریس چێستنەت، لە چاوپێکەوتنێکدا لەگەڵ گۆڤاری “People”، یادی ئەکتەری کۆچکردوو مالکۆڵم جەمال وۆرنەری کردەوە و باسی لە ئەزموونی کارکردنیان پێکەوە لە زنجیرەی “The Resident” کرد.
چێستنەتی تەمەن 56 ساڵ گوتی: “هێشتا بڕوا ناکەم مالکۆڵم چیتر لێرە نییە. ئەو پیاوێکی نایاب بوو. دیمەنێکم لە زنجیرەکەدا بیردێتەوە کە کارەکتەرەکانمان یەکتریان خۆش نەدەویست، بەڵام ئەو لە راستیدا زۆر بە پەرۆش بوو بۆ پاراستنی هەمووان لە سێتی وێنەگرتنەکەدا”.
هەروەها گوتی: “ئەو پیاوێکی نایاب بوو، زۆر خەفەتبارم کە چیتر لەگەڵماندا نییە”.
مۆریس و وۆرنەر پێکەوە لە زنجیرەی پزیشکی “The Resident” کاریان کردووە، کە بۆ ماوەی شەش وەرز لە ساڵی 2018 تا 2023 بەردەوام بوو.
وۆرنەر، رۆڵی دکتۆر ئەی جەی ئۆستنی دەگێڕا، لە 20ی تەممووزی 2025، لە تەمەنی 54 ساڵیدا، دوای خنکانی لەکاتی پشوویەکی خێزانیدا لە کۆستاریکا، کۆچی دواییکرد.