فیلمی میسری “السادة الأفاضل” بەردەوامە لە بەدەستهێنانی داهات لە سینەماکاندا، تەنیا ڕۆژی هەینی ڕابردوودا توانی داهاتی ٤ ملیۆن و ٧١٠ هەزار و ٢٥٢ جونیەی میسری کۆبکاتەوە.
بەمەش کۆی گشتی داهاتی فیلمەکە لە ماوەی تەنها ١٠ ڕۆژی نمایشکردنیدا گەیشتە ٢٥ ملیۆن و ٨٢٣ هەزار و ٤٥٥ جونیهـ، ئەمەش نیشانەی سەرکەوتنێکی گەورەی بازرگانی و جەماوەرییە بۆ فیلمەکە.
چیرۆکی “السادة الأفاضل” لە گوندێکی میسردا ڕوودەدات و باس لە خێزانی “ئەبو فەزل” دەکات کە بەهۆی مردنی باوکیان “جەلال”ەوە تووشی شۆک دەبن.
فیلمەکە لە نواندنی کۆمەڵێک ئەستێرەی دیارە وەک محەممەد ممدوح، بەیومی فوئاد، تەها دەسوقی، محەممەد شاهین و ئەشرەف عەبدولباقی و لە دەرهێنانی کەریم شناویە.