حزبوڵای لوبنان ڕۆژی دووشەممە ٨ی نیسان، پشت‌ڕاستی کردەوە “عەلی ئەحمەد حسێن” ناسراو بە “عەباس جەعفەر” لە بۆمبابارانێکی شەوی ڕابردوو لە باشووری لوبنان کوژراوە.
سوپای ئیسرائیل دەڵێت، عەلی ئەحمەد حسێن یەکێک بووە لە فەرماندە مەیدانییە باڵاکانی کەتیبەی ڕزوان کە یەکەیەکی تایبەتی حزبوڵای لوبنانە.
حزبوڵای لوبنان ڕایگەیاندووە ئەم فەرماندەیە، لەگەڵ دوو سەربازی دیکە لە گوندی سۆڵتانیە کوژراون.
هەروەها سوپای ئیسرائیلیش دەڵێت لە هێرشێکی ئاسمانیدا لە باشووری لوبنان فەرماندەیەکی باڵای حزبوڵای لوبنان کوشتووە.
ئیسرائیل دەڵێت پلە سەربازییەکەی عەلی ئەحمەد حەسەن هاوتای عەمید بووە و تۆمەتباری کردووە ” لە پلاندانان و جێبەجێکردنی هێرشە تیرۆریستییەکان لە ناوچەی ڕامیم ڕیج بەرپرسە “.