لە وەڵامی فرۆشتنی چەک بە تایوان لەلایەن واشنتنەوە، چین سزای بەسەر 20 کۆمپانیای ئەمریکی پەیوەندیدار بە کەرتی بەرگری و 10 بەرپرسی باڵای جێبەجێکاردا سەپاند.
وەزارەتی دەرەوەی چین، بڵاوی کردەوە، ئەم سزایانە، هەموو ئەو سامانانەی کە ئەو کۆمپانیایانە و ئەو کەسانە لە چین هەیانە، بلۆک دەکرێن، هەروەها ڕێکخراو و کەسانی ناوخۆیی ڕێگرییان لێ دەکرێت لە مامەڵەکردن لەگەڵیاندا.
وەزارەتی دەرەوەی چین ڕایگەیاندووە کە ئەو کەسانەی لە لیستی سزاکاندان، ڕێگە نادرێت بچنە ناو خاکی چینەوە.
لە کۆمپانیا سزاکراوەکان بریتین لە نۆرسرۆپ گرومان (Northrop Grumman)، ئێڵ سێ هاریسی (L3Harris) خزمەتگوزاری دەریایی، و لقی بۆینگی (Boeing) لە سانت لویس.
سزاکان هەروەها دامەزرێنەری کۆمپانیای “ئەندوریل ئیندەستریز (Anduril Industries)”، پاڵمەر لاکی، لەخۆگرتووە، کە لە ئێستاوە ڕێگەی پێ نادرێت کار و بازرگانی لە چین بکات یان بچێتە ئەو وڵاتە، جگە لە بلۆککردنی سامانەکانی لەناو وڵاتەکەدا، بەپێی ئاژانسی ئەسۆشیەیتد پرێس.
وەڵامدانەوەی تووڕەیی بۆ فرۆشتنی چەک
ئەم سزایانە دوای هەفتەیەک دێن لە ڕاگەیاندنی پاکێجی فرۆشتنی چەکی ئەمریکی کە بە زیاتر لە 10 ملیار دۆلار مەزەندە دەکرێت بە تایوان. ئەو بڕیارەی ئەمریکا کاردانەوەیەکی تووڕەیی لە چین لێکەوتەوە، کە تایوان بە بەشێک لە خاکی خۆی دەزانێت و جەخت دەکاتەوە کە دەبێت بگەڕێتەوە ژێر کۆنترۆڵی ئەوان.