تورکیا ڕایگەیاند، پشتیوانی لە هەر هەوڵێکی دیمەشق دەکەن بۆ بەرقەرارکردنی یەکگرتوویی و یەکپارچەیی سووریا. وەزارەتی بەرگری تورکیا ڕایگەیاند، هەسەدە بەردەوامە لە دەربڕینی داواکارییەکانی بۆ لامەرکەزییەت و فیدراڵییەت و هیچ هەنگاوێکی بەرەو تێکەڵبوون و یەکگرتن لەگەڵ دەسەڵاتی ناوەندیدا نەناوە. وەزارەتەکە جەختی لەوە کردەوە، ئەم هەڵوێستەی هێزەکانی سووریای دیموکرات زیان بە یەکپارچەیی و سەقامگیری خاکی سووریا دەگەیەنێت.
تورکیا وەک خۆی، لەسەر بنەمای ‘یەک دەوڵەت و یەک سوپای’ سووریا، پەرە بە هەماهەنگییەکانی لەگەڵ حکوومەتی دیمەشقدا دەدات و پڕۆسەی یەکگرتنەکەش لە نزیکەوە چاودێری دەکات. وەزارەتی بەرگریی تورکیا گوتیشی، ئەگەر حکوومەتی سووریا بڕیاری دەستپێشخەری بدات بۆ بەرقەرارکردنی یەکگرتوویی و یەکپارچەیی وڵاتەکەی، تورکیا پشتیوانی و پاڵپشتی لێدەکات.
هەواڵی پێشوو