فیلمی ئەنیمەیشنی “Zootopia 2” ژمارەیەکی پێوانەیی نوێ لە مێژووی سینەمادا تۆمار دەکات و داهاتەکەی ملیارێک و 650 ملیۆن دۆلاری تێپەڕاند.
فیلمەکە کە بەرهەمی کۆمپانیای “واڵت دیزنی”یە، لە دوای نمایشکردنی لە تشرینی دووەمی 2025ـەوە تاوەکو ئێستا، ملیارێک و 655 ملیۆن و 671 هەزار دۆلاری کۆکردووەتەوە. ئەم داهاتە دابەشبووە بەسەر 378 ملیۆن دۆلار لەناو ئەمریکا و ملیارێک و 276 ملیۆن دۆلار لە سینەماکانی جیهاندا.
چیرۆکی بەشی دووەم باس لە بەردەوامیی سەرکێشییەکانی “جودی هۆبس” و “نیک وایڵد” دەکات، کە ڕووبەڕووی پیلانگێڕییەکی کۆن دەبنەوە. لەم بەشەدا کەسایەتییەکی نوێ بە ناوی “گاری” کە مارێکی ژەهراوی و کۆمیدییە، دەردەکەوێت. لە ڕووی تەکنیکییەوە فیلمەکە یەکێکە لە گەورەترین پڕۆژەکانی دیزنی و پتر لە 170 کەسایەتی جیاواز و 67 جۆری ئاژەڵی تێدا بەکارهاتووە.