بەپێی ڕاپۆرتێک ئاژانسی هەواڵی شینهوا بڵاوی کردووەتەوە، وانگ یی، وەزیری دەرەوەی چین ڕۆژی پێنجشەممە لە پەیوەندییەکی تەلەفۆنیدا لەگەڵ هاوتا ئێرانییەکەی، داوای گفتوگۆ و دانبەخۆداگرتنی کرد بۆ چارەسەرکردنی کێشەکان.
وانگ یی بە عەباس عێراقچیی وەزیری دەرەوەی ئێرانی گوت چین دژی پەنابردنەبەر هێز یان هەڕەشەی بەکارهێنانی هێزە لە پەیوەندییە نێودەوڵەتییەکاندا و دڵنیایە حکوومەت و گەلی ئێران دەتوانن بەسەر کێشەکاندا زاڵ ببن و سەقامگیریی نیشتمانی بپارێزن.
ناوبراو ئاماژەی بەوەش کرد چین هیوادارە هەموو لایەنەکان ئاشتی بپارێزن، دان بە خۆیاندا بگرن و ناکۆکییەکان لە ڕێگەی گفتوگۆوە چارەسەر بکەن؛ هەروەها دووپاتی کردەوە پەکین دەیەوێت لەم بوارەدا ڕۆڵێکی بنیاتنەر بگێڕێت.
