ڕاپۆرتە ڕۆژنامەوانییەکان ئاشکرایان کردووە، گۆرانیبێژی ئوسترالی، کیت ئۆربان، پاش جیابوونەوەی فەرمی لە هاوسەرەکەی نیکۆڵ کیدمان، کەوتووەتە ناو پەیوەندییەکی سۆزداری نوێوە.
ئۆربان کە تەمەنی ٥٨ ساڵە، لەگەڵ کارلی سکۆت کۆلینز، ئەستێرەی مۆسیقای کانتری کە تەمەنی تەنها ٢٦ ساڵە، دەبینرێت.
ئەم پەیوەندییە دوای ١٩ ساڵ هاوسەرگیری لەگەڵ نیکۆڵ کیدمان دێت و سەرچاوەکان دەڵێن پەیوەندییەکە زۆر جیدییە و تەنانەت بەیەکەوە دەژین.
نیکۆڵ کیدمان لەم قۆناغەدا زیاتر لەگەڵ کچەکانی دەردەکەوێت و وێنەی گەشتەکانیان بۆ پاریس و سیدنی بڵاو دەکاتەوە.
سەرچاوە نزیکەکان دەڵێن کچەکانی نیکۆڵ بە تەواوی پشتیوانی دایکیان دەکەن، بە جۆرێک کە میدیاکان دۆخەکەیان بە “سێ کەس دژی یەک” وەسف کردووە، مەبەست لێی نیکۆڵ و کچەکانییەتی بەرامبەر کیت ئۆربان.
لە ڕووی یاساییەوە، هەردوولا ڕێککەوتوون لەسەر ئەوەی کچەکان لای دایکیان بمێننەوە و باوکیان تەنیا دوو هەفتە جارێک لە کۆتایی هەفتەدا بیانبینێت. کیت ئۆربان ئێستا لە ناشڤێڵ خەریکی ئامادەکردنی ئەلبوومێکی نوێیە کە پێشبینی دەکرێت گوزارشت لە ئەزموونی جیابوونەوەکەی و هەستە کەسییەکانی بکات، لە کاتێکدا نیکۆڵ کیدمان هەوڵ دەدات ژیانێکی سەقامگیر بۆ خێزانە بچووکەکەی دابین بکات.