ئەکتەری ئەمریکی دوێن جۆنسن، رایگەیاند، لە هەڵبژاردنی داهاتووی ئەمریکا، پاڵپشتی لە جۆ بایدن، سەرۆکی ئەمریکا ناکات.
ئەمە لە کاتێکدایە کە ئەو ئەکتەرە لە هەڵبژاردنی رابردوو پاڵپشتی خۆی بۆ بادین دەربڕی و ئاماژەی بۆ ئەوەکرد، بایدن کەسێکی بە بەزەییە و دڵێکی باشی هەیە.
جۆنسن، لە چاوپێکەوتندا رایگەیاند، ئەو لە دۆخی ئێستای ئەمریکا رازی نییە و ئامانجی یەکگرتنی وڵاتەکەیەتی.
روونیشیکردەوە، ئەمجارە پاڵپشتی خۆی بۆ هیچ سەرۆکێک ئاشکرا ناکات، بەڵکو ئەو نهێنییە دەباتە نێو سندوقی دەنگدان.