ڕایان کۆگلەر و یادی چادیک بۆسمان؛ وانەیەک لە ژیان

ڕایان کۆگلەر، دەرهێنەری فیلمی بەناوبانگی “Black Panther”، باسی لەو کاریگەرییە قووڵە کرد کە ئەکتەری کۆچکردوو چادیک بۆسمان لەسەر ژیانی جێی هێشتووە.

بۆسمان کە لە ساڵی 2020 بەهۆی شێرپەنجەوە کۆچی دوایی کرد، وەک پادشای واکاندا (تێچالا) ناسرابوو.

کۆگلەر دەڵێت لە کاتی وێنەگرتنی فیلمەکەدا زۆر نیگەران و هیلاک بووە و پێی وابووە فیلمەکە سەرکەوتوو نابێت، بەڵام بۆسمان هەمیشە ورەی بەرز کردووەتەوە.

ئەو دەرهێنەرە تەمەن 39 ساڵە هەستی پەشیمانی دەربڕی کە بۆچی لەو کاتەدا چێژی لە کارکردن لەگەڵ بۆسمان نەبینیوە و هێندە غەرقی دڵەڕاوکێ بووە.

هاوکات لە هەواڵێکی تری هونەریدا، بێرین سات ئەستێرەی تورکی گۆرانییەکی نوێی بە زمانی ئینگلیزی بەناوی “capitalizoo” بڵاوکردەوە کە دەنگدانەوەیەکی زۆری هەبووە. بێرین سات کە بە ڕۆڵی “سەمەر” لە زنجیرەی عەشقی قەدەغە ناوبانگی جیهانیی هەیە، ئێستا هەوڵ دەدات لە ڕێگەی موزیکەوە ڕەهەندێکی نوێ بە کارە هونەرییەکانی ببەخشێت و بینەرانی سەرسام بکات.