ئەمڕۆ شەممە، 7-3-2026 دۆگ بێرگوم وەزیری ناوخۆی ئەمریکا، جەختی لەوە کردەوە کە وڵاتەکەی دەچێتە ناو هێڵی پاراستنی ئاسایشی کەشتیوانی لە گەرووی هورمز، ئەوەش لە ڕێگەی دابینکردنی پاراستن بۆ کەشتییەکان و یاوەرییکردنیان لە کاتی تێپەڕبوونیان.
بێرگوم گوتی، “بەرزبوونەوەی ئێستای نرخی وزە (کاتییە)”، و پێشبینی ئەوەی کرد کە “دواتر نرخەکان لەسەر ئاستی جیهان دابەزن”.
هەروەها گوتیشی “ویلایەتە یەکگرتووەکان کاردەکات بۆ دابینکردنی پاراستن بۆ کەشتییە بازرگانییەکان و یاوەرییکردنیان لە کاتی تێپەڕبوونیان بە گەرووی هورمزدا، ئەمەش هەنگاوێکە بە ئامانجی دەستەبەرکردنی سەلامەتی کەشتیوانی و دووبارە ڕۆیشتنەوەی نەوت بۆ بازاڕەکانی جیهان”.
و ڕوونیشیکردەوە کە “ئەم ڕێوشوێنانە دەبنە هۆی پاڵپشتیکردنی سەقامگیریی دابینکردنی وزەی جیهانی و کەمکردنەوەی ئەو فشارانەی کە لە ماوەی ئێستادا بازاڕەکان پێیدا تێدەپەڕن”.
هەواڵی پێشوو