ئالان ڕیتچسۆن، ئەستێرەی زنجیرەی“Reacher”، لە نوێترین پڕۆژەیدا بۆ نێتفلێکس بە ناوی “War Machine” ڕووبەڕووی تاقیکردنەوەیەکی جەستەیی زۆر سەخت بووەتەوە.
ڕیتچسۆن لە چاوپێکەوتنێکدا ڕایگەیاند، ئەم فیلمە پڕبووە لە ئاستەنگی جەستەیی کە وای لێکردووە گومان لە توانای خۆی بکات بۆ تەواوکردنی کارەکە. ئەو لەم فیلمەدا ڕۆڵی سەربازێک دەگێڕێت کە دەبێت یەکەکەی ڕێبەری بکات لە شەڕێکی سەختدا دژی ئامێرێکی کوشتنی نامۆ و گەورە.
فیلمەکە لە دەرهێنانی پاتریک هیوزە، کە پێشتر فیلمی “Red Hill”ـی دەرهێناوە. پەیوەندی نێوان ڕیتچسۆن و هیوز هێندە بەهێز بووە کە پێکەوە خەریکی پڕۆژەیەکی تری نوێن دەربارەی هێزە دەریاییەکانی ئەمریکا.
هیوز دەڵێت ئەم فیلمە گەڕانەوە بووە بۆ ڕەگ و ڕیشەی خۆی لە ئوسترالیا. ڕیتچسۆن بە پێکەنینەوە باسی ئەوە دەکات کە هیوز حەز دەکات لە کاتی کارکردندا ئەشکەنجەی بدات بۆ ئەوەی باشترین ئاستی جەستەیی نیشان بدات، بەڵام لە هەمان کاتدا دەڵێت کارکردن لەگەڵ ئەو دەرهێنەرە وەک دیارییەک وایە بۆی.