وەزارەتی پێشمەرگەی حکومەتی هەرێمی کوردستان لە بڕیارێکی نوێدا، بە شێوەیەکی فەرمی سەرجەم ئەفسەران و پێشمەرگەکانی ئاگادارکردەوە کە پێدانی هەر جۆرە زانیارییەک یان لێدوان بۆ دەزگاکانی ڕاگەیاندن بە توندی قەدەغەیە و نابێت ئەنجام بدرێت.
ئەم بڕیارە لە چوارچێوەی ڕێکخستنەوەی کاری ڕاگەیاندنی سەربازی و پاراستنی نهێنییە ئاسایشییەکاندا هاتووە.
وەزارەتەکە جەخت دەکاتەوە کە هەر سەرپێچییەک لەم ڕێنماییە نوێیانە، وەک سەرپێچییەکی ئیداری و سەربازی هەژمار دەکرێت و ڕێکاری یاسایی توند بەرامبەر سەرپێچیکاران دەگیرێتە بەر.