یاسر ڕومەیان پارێزگاری سندوقی وەبەرهێنانی گشتی سعودیە و جەیمی ڕوبن لەگەڵ بەرپرسانی باڵای یانەی نیوکاسڵ لە کۆبوونەوەیەکی دوو ڕۆژەدا لە نۆرسەمبەرلاند کۆبوونەوە بۆ تاوتوێکردنی داهاتووی یانەکە و پەرەپێدانی ژێرخانەکەی.
لە کۆبوونەوەکەدا جەخت لەوە کرایەوە کە بڕیاری کشانەوەی سندوقی سعوودی لە پاڵپشتیکردنی خولی گۆڵفی لیڤ کاریگەری لەسەر نیوکاسڵ نابێت و ئامانجی سەرەکی خاوەنەکان هێشتا گەیشتنە بە لوتکەی خولی ئینگلیزی و بردنەوەی نازناوەکان تا ساڵی ٢٠٣٠.
ئیدی هاو ڕاهێنەری یانەکە ئاماژەی بەوە کرد کە گفتوگۆی گرنگ دەربارەی دروستکردنی بنکەیەکی مەشقی نوێ و فراوانکردنی یاریگای سانت جەیمس پارک کراوە بۆ زیادکردنی داهات و کەمکردنەوەی جیاوازی لەگەڵ یانە گەورەکان هەروەها دووپاتی کردەوە کە سەرەڕای ئەنجامە خراپەکانی ئەم دواییە خاوەنەکان بە دیدگایەکی درێژخایەن و عاقڵانە سەیری بارودۆخەکە دەکەن و پشتگیری تەواوی پڕۆژەکە دەکەن.