ڕاوێژکاری پێشووی ئاسایشی نیشتمانیی بریتانیا دەڵێت دوای ڕاپۆرتەکانی دەسپێکردنەوەی هێرشەکان لە نێوان ئەمریکا و ئێراندا لە گەرووی هورمز، ئاگربەستی نێوان هەردوو وڵات “بەندە بە موویەکەوە”.
لۆرد ڕیکێتس بە بی-بی-سیی گوت بەهۆی زۆریی هاتوچۆی کەشتییەکان پێش شەڕ و گیرخواردنی “سەدان” کەشتی لە گەرووی هورمزدا، گومانی لە سەرکەوتنی پلانی ویلایەتە یەکگرتووەکان بۆ پاسەوانیکردنی کەشتییە بازرگانییەکان لەو ناوچەیەدا هەیە.
ئەو گوتی: “ئەوان ناتوانن پاسەوانیی تەک تەکەی کەشتییەکان بکەن، چونکە تەنیا پێویستی بەوەیە یەک یان دوو کەشتی بپێکرێن تا پیشەسازیی کەشتیوانی هەموو متمانەی خۆی بە ئەگەری تێپەڕبوونی بێوەی لە گەرووی هورمزدا لەدەست بدات.”
بە بڕوای لۆرد ڕیکێتس، “تەنیا ڕێگە” بۆ گەرەنتیی تێپەڕبوونی دڵنیا، ڕێککەوتنە لەگەڵ ئێران.
