بارسێلۆنا بۆ جاری 29یەم لەمێژووی خۆیدا توانی نازناوی لالیگای ئیسپانیا بەدەست بهێنێت،دوێنێش ئاهەنگی ئەم دەستکەوتەی لەشەقامەکانی شاری بارسێلۆنا لەگەڵ هاندەران ئەنجامدا،بەڵام هەندێک کاری سەیر زیاتر بۆنەکەیان خستە نێو پەڕە و مانشێتی ڕۆژنامەکان،کە چەند کارێکی سەیر کران لەو کاتەدا.
یەکێک لە سەیرترین کارەکان وەرگرتنی ئەو دیاریانە بوون لەلایەن هاندەرانەوە فڕێدەدرانە نێو پاسی یاریزانان،چێزنێی گۆڵپارێز لەو کاتەدا هاندەرێک پاکەتێکی جگەرەی فڕێدا و ئەویش بە پێکەنێنەوە وەریگرت پاشان جگەیەرەیەکی داگیرساند،کە ئەمە بووە جێگای سەرنج و بەپێی یاساش قەدەغەیە.
بەشێکی دیکەی دیاریەکان درێس بوون،بەڵام ئەوەی سەرنجبەر بوو فڕێدانی خواردن و خواردنەوە بوو بۆ یاریزانانی بارسێلۆنا،کە ئەوانیش بەبێ گوێدانە جۆر و شێوەی خواردنەکە وەریاندەگرت و دەیانخوارد
میدیاکان ئەمەیان وەکو دڵسۆزی یاریزانانی یانە کەتەلۆنیەکە لێکدایەوە،بەڵام هەندێک میدیاش ئەمەیان بەبێ ئاگایی یاریزانەکان مەزەندە کرد.
“سەرکار ڕێبوار”