ئاژانسی هەواڵی ڕۆیتەرز لە ڕاپۆرتێکی شیکاریدا نووسیویەتی شەڕی ئەمریکا و ئیسرائیل لەگەڵ ئێران تا ئێستا لانیکەم ٢٥ ملیار دۆلار تێچووی بۆ کۆمپانیاکانی سەرانسەری جیهان هەبووە. بە گوێرەی ئەم ڕاپۆرتە ئەم بڕە پارەیە لە زیادبووندایە.
لێکۆڵینەوە لە بەیاننامەی کۆمپانیا تۆمارکراوەکانی ئەمریکا، ئەورووپا و ئاسیا لە کاتی دەستپێکی هێرشە هاوبەشەکانی ئەمریکا و ئیسرائیل بۆ سەر ئێران لە ٩ی ڕەشەممەی ساڵی ڕابردووەوە، وێنەیەکی نیگەرانکەر نیشان دەدات؛ چونکە بازرگانییەکان بەهۆی کۆنترۆڵکردنی گەرووی هورمز لە لایەن ئێرانەوە، لەگەڵ بەرزبوونەوەی نرخی وزە و تێکچوونی زنجیرەی دابینکردن و ڕێڕەوە بازرگانییەکاندا دەجەنگن.
