وەزیری بەرگریی ئیسرائیل، کاتس بە فەرمی ڕایگەیاند کە محەمەد عودە، چوارەمین فەرماندەی باڵی سەربازیی حەماس لە قطاعی غەزە، کوژراوە.
کاتس ئەمڕۆ چوارشەممە لە پۆستێکدا لەسەر هەژمارەکەی لە “ئێکس” وتی: «ئێمە پەیمانمان دابوو هەموو ئەوانەی هێرشی ٧ی ئۆکتۆبەریان ڕێکخستووە بکوژین، و ئەمەش ئەوەیە کە دەیکەین». هەروەها زیادیکرد: «هەموویان حوکمی مردنیان بەسەردا دراوە لە هەر شوێنێک بن.
ئیسرائیل کاتس هەروەها ئاماژەی بەوە دا کە «پلانی کۆچکردنی ئارەزوومەندانە لە غەزە، لە کات و شێوازی گونجاودا جێبەجێ دەکرێت.
لە هەمان کاتدا، جەختی لەسەر ئەوە کردەوە کە ئیسرائیل «پەیمانی داوە حەماس نە لە ڕووی مەدەنی و نە لە ڕووی سەربازییەوە حوکمی غەزە نەکات»، بە وتەی خۆی.
لە لایەکی ترەوە، سەرۆک وەزیرانی ئیسرائیل ناتانیاهو و وەزیری بەرگریی وڵاتەکە دوێنێ لە ڕاگەیەنێکی هاوبەشدا ئاماژەیان بەوە کرد کە سوپای ئیسرائیل هێرشێکی ئاسمانیی لە قطاعی غەزە ئەنجامداوە کە ئامانجی محەمەد عودە بووە.