بە گەرمی باس لە ئەگەری هاوکارییەکی نوێ و چاوەڕواننەکراو دەکەن لە نێوان هەردوو هونەرمەند محەممەد ڕەمەزان و یاسمین سەبری.
ئەم دەنگۆیانە دوای ئەوە هاتن کە چەندین ئاماژە و هەواڵ لەسەر بوونی پڕۆژەیەکی هاوبەشی سینەمایی یان درامی لە نێوانیاندا بڵاوبووەوە.
پەیوەندی هونەری نێوان محەممەد ڕەمەزان و یاسمین سەبری مێژوویەکی سەرکوتووی هەیە. ئەوان پێشتر لە ساڵی ٢٠١٦دا لە درامای بەناوبانگی “الأسطورة” (ئەفسانەکە) پێکەوە دەرکەوتن، کە دەنگدانەوەی لەسەر ئاستی وڵاتانی عەرەبی هەبوو. دوای ئەوە، لە ٢٠١٨دا لە فیلمی کۆمیدی و ئاکشنی “الديزل” دووبارە هاوکاری یەکترییان کردەوە.
لەو کاتەوە، هەرلایەک لەوان ڕێڕەوێکی جیاوازی گرتەبەر و وەک پاڵەوانی ڕەها لە کارەکانیاندا دەرکەوتن، بۆیە دەنگۆی گەڕانەوەی جێگیریان بۆ گۆڕەپانەکە پێکەوە، سەرنجی هەمووانی ڕاکێشاوە.
محەممەد ڕەمەزان و یاسمین سەبری، بەوە ناسراون کە هەمیشە لە چەقی سەرنجی میدیاکاندان. ژیانی شاهانە، ئۆتۆمبێلە لوکسەکان و گەشتە تایبەتەکانیان هەمیشە دەبنە تڕێند.
چاودێرانی هونەری پێیان وایە کۆبوونەوەی ئەم دوو کارەکتەرە سەرنجڕاکێشە لە یەک بەرهەمدا، سەرکەوتنی بازرگانی و بینەرێکی ملیۆنی بۆ هەر پڕۆژەیەک مسۆگەر دەکات.