شەوی ڕابردوو ڕێکەوتی ١٢ی ٦ی ٢٠٢٦، کاتژمێر ١١:٠٠ی شەو، هێزەکانی پۆلیسی پارێزگای هەولێر ئاگادارکرانەوە لە بوونی ڕووداوێکی کوشتن لە قەزای بنەسڵاوە.
دەستبەجێ هێزەکانمان گەیشتنە شوێنی ڕووداوەکە و لە ئەنجامی بەدواداچوون و لێکۆڵینەوە سەرەتاییەکاندا دەرکەوت کە هاووڵاتییەک بە ناوی (عبداللە رسول احمد)، تەمەن ٥٥ ساڵ، کە پێشەی خانەنشینی پێشمەرگەیە و دانیشتووی بنەسڵاوەیە، بەهۆی تەقەکردنەوە گیانی لەدەستداوە.
دوای کۆکردنەوەی زانیاریی ورد، هێزەکانی پۆلیس توانییان لە ماوەیەکی زۆر کورتدا تۆمەتباری سەرەکیی ڕووداوەکە بە ناوی (م. س. س)دەستگیربکەن.
لە ئێستادا پەڕاوی لێکۆڵینەوە بۆ تۆمەتبار ڕێکخراوە و بەپێی (ماددەی ٤٠٦ لە یاسای سزادانی عێراقی) ڕاگیراوە و ڕادەستی دادگا کراوە بۆ جێبەجێکردنی ڕێکارە یاساییەکان.
هەواڵی پێشوو