چی هوا چین ئەو وەبەرهێنەرە ناسراوەی کە پێش بیست ساڵ سەرکەوتنی گەورەی فەیسبووکی پێشبینی کردبوو ئێستا ڕوانگەیەکی تەواو جیاواز لەسەر پاشەڕۆژی ژیریی دەستکرد دەخاتە ڕوو و پێیوایە گۆڕانکاری گەورە لە ڕێگەیە بەپێی ڕاپۆرتێکی پێگەی تێک کڕانچ ئەم وەبەرهێنەرە جەخت دەکاتەوە کە لە چەند ساڵی داهاتوودا براوە ڕاستەقینەکانی ئەم شۆڕشە تەکنەلۆژییە ئەو کۆمپانیا زەبەلاحانە نابن کە مۆدێلەکانی ژیریی دەستکرد یان خزمەتگوزارییەکانی دەفرۆشن بەڵکو ئەو کۆمپانیا باو و نەریتییانەن کە دەتوانن ئەم تەکنەلۆژیایە بە شێوازێکی زیرەک بۆ بەرزکردنەوەی کارایی و کەمکردنەوەی تێچووی کارەکانی خۆیان بەکاربهێنن چین ئاماژە بەوە دەکات کە فرۆشتنی خودی ژیریی دەستکرد وەک نەرمەکاڵا بەرەو کێبڕکێیەکی توند و دابەزینی نرخ دەڕوات بەڵام ئەو کۆمپانیایانەی لە بوارەکانی پیشەسازی و دارایی و بازرگانی جیهانیدا بە تەواوی سوود لەم هێزە وەردەگرن دەبنە خاوەنی بەهای ڕاستەقینە و قازانجی بێشومار کۆ دەکەنەوە و ئەمەش هاوشێوەی سەردەمی سەرەتای ئینتەرنێتە کە تێیدا کۆمپانیاکانی دروستکردنی وێبسايت براوە نەبوون بەڵکو ئەو دامەزراوانە بوون کە ئینتەرنێتیان بۆ گۆڕینی شێوازی بازرگانی خۆیان بەکارهێنا.