قەوارەیا هەرێما کوردستانێ نە دیارییەکە و نە ژی بەخشینەکە ژ لایەن کەسێڤە هاتیە، بەلکو دەستکەفتێ خەباتەکا درێژ و قوربانییا هەزاران شەهید و پێشمەرگەیە. گەلێ کورد ل ماوەی سەدان سالاندا بۆ پاراستنا ناسنامە، زمان، ماف و بوونا خۆ، تێکۆشانا مەزن کرییە و قوربانییێن بێژمار دایە.
پشتی ڕاپەڕینا ساڵا ١٩٩١، گەلێ کورد ب ئیرادەیا خۆ و ب پشتەڤانییا نێودەوڵەتی، قەوارەیا خۆبەڕێڤەبرنا خۆ دامەزراند. ئەڤ دەستکەفت تەنێ بڕیارەک سیاسی نەبوو، بەلکو ئەنجامێ خوینا شەهیدان، ئازاییا پێشمەرگەیان و مافێ ڕەوای گەلێ کورد بوو.
ژ لایێ یاسایی ڤە، قەوارەیا هەرێما کوردستانێ ل ناڤ دەستورا عێراقا ساڵا ٢٠٠٥دا ب فەرمی هاتیە ناسین و هەرێما کوردستانێ وەک هەرێمەک فیدڕاڵ هاتیە قبووڵکرن. ژبەر ڤێ چەندێ، بوونا هەرێم نە تەنێ مافەکێ مێژوویی و نەتەوەییە، بەلکو مافەکێ دەستوری و یاسایی ژییە.
بڕیارا ل سەر دانانا قەوارەیا هەرێم، پێش هەر تشت، بڕیارا گەلێ کورد و ئیرادەیا وان بوو، و پاشی ژ لایەن دەستورا عێراقێ و کۆمەڵگەها نێودەوڵەتی ڤە هاتە ناسین.
هەرێما کوردستانێ موڵکێ خوینا شەهیدانە؛ دەستکەفتێ خەباتا گەلێ کوردە و پاراستنا وێ ئەمانەتەکا نەتەوەیی و مێژووییە. ڕێزگرتن ژ شەهیدان، پاراستنا هەرێم و دەستکەفتێن وێیە.
کەس نەشێت ڤی قەوارەیێ ژ گەلێ کورد بستینیت، ب تایبەت ئەو کەسێت کو ژبۆ بەرژەوەندییێن کەسی و سیاسی، ڕێکا خوەفرۆشیێ هەلبژارتین و د گورەپانا سیاسەتێدا ماف و دەستکەفتێن گەلێ خۆ دکەنە قوربانی.
قەوارەیێ هەرێمێ ب خوین و قوربانیێ هاتیە وەرگرتن و تەنێ ب یەکگرتنێ، دڵسۆزی و پاراستنا دەستکەفتێن نەتەوەیی دێ هێتە پاراستن.
متین علی
ئەندامێ مەکتەبا سکرتاریەتا قوتابی و لاوان