لە بەردەوامی چالاکییەکانی وەرزى هاوینە و لە چوارچێوەی پڕۆژەی “سینەما و جەماوەر”، بۆ ئەم هەفتەیە، بەڵگەفیلمیی “خازر” لە دەرهێنانی دەرهێنەر نزار مامە پێشکەش بە بینەران دەکرێت.
پڕۆژەی “سینەما و جەماوەر” بە پاڵپشتی پارێزگاری هەولێر و لەلایەن بەڕێوەبەرایەتیی سینەما و شانۆ سازدەکرێت، زیاتر لە دوو ساڵە بەردەوامە، ئامانجی سەرەکی بڵاوکردنەوەی کولتووری سینەمایی و دروستکردنی پردێکی پەیوەندییە لەنێوان سینەماکاران و جەماوەردا.
ئەم پڕۆژەیە بە تایبەتی جەخت لەسەر نمایشکردنی ئەو بەرهەم و فیلمە کوردی و نێودەوڵەتییانە دەکاتەوە کە دەرفەتی کەمتریان بۆ رەخساوە لە هۆڵە بازرگانییەکاندا نمایش بکرێن و بینەری کوردستان لە نزیکەوە بیانیانبینێت.
دابینکردنی ئەم دەرفەتانە یارمەتیدەرێکی گەورەیە بۆ ئاشناکردنی بینەران بە بابەتی جیاواز و هونەری سەربەخۆ، کە بەشێکی گرنگە لە دەوڵەمەندکردنی بزووتنەوەی رووناکبیری و هونەری لە هەرێمی کوردستاندا.
فیلمەکە کاتژمێر 6:00ـی ئێوارەی سبەی چوارشەممە، ١٢ـی ئابی ٢٠٢٦، بە ئامادەبوونی دەرهێنەری فیلم؛ لە هۆڵی ژمارە ١٢ـی سینەما ئیمپایەر لە فاملی مۆڵ نمایش دەکرێت و هاتن بۆ هەمووانە و بەبێ بەرامبەرە.