لە شاری سلێمانی و لە ئۆفیسی گۆڤاری هەردەم، کۆڕێکی هزری و گفتوگۆئامێز بۆ نووسەر ئازاد تۆفیق سازکرا.
کۆڕەکە بە ئامادەبوونی دکتۆر سالار عوسمان، بەرپرسی بەشی ڕۆشنبیری و ڕاگەیاندنی پارتی دیموکراتی کوردستان و ژمارەیەک لە نووسەران و ئەدیبانی شارەکە ڕێکخرا کە بە ناونیشانی “کورد لەنێوان دوێنێ و ئەمڕۆدا” بەڕێوەچوو، تێیدا تیشک خرایە سەر مێژووی کورد و قۆناغە جیاوازەکانی گۆڕانکاری.
ئازاد تۆفیق بە خوێندنەوەیەکی قووڵ شیکردنەوەی بۆ پێگە و ئالنگارییەکانی ئێستای کورد لە بەرامبەر پێشهاتە تازەکاندا کرد.
لە بەشی کۆتایی کۆڕەکەدا دەرگای بیروڕاگۆڕینەوە کرایەوە، بەشداربووان بە تێبینییەکانیان بابەتەکەیان دەوڵەمەندتر کرد.