حەمەی حەمەسەعید، وەزیری رۆشنبیری و لاوان لە هەورامان پێشوازی لە شاعیری میللی دەڤەرەکە حەسەن عمرانی کرد.
لە دیدارێکدا، نامق هەورامی، بەڕێوبەری راگەیاندن و پەیوەندییەکان و وتەبێژی وەزارەت و د. رەزوان هێڵانپەیی، مامۆستای زانکۆی هەڵەبجە ئامادەبوون.
وەزیری ڕۆشنبیری و لاوان ستایشی کۆششەکانی حەسەن عمرانی کرد، بۆ پارێزگاری لە زمانی دایک و خزمەتکردنی کولتوور و رەسەنایەتی هەورامان و کتێبخانەی کوردی.
وەزیری رۆشنبیری و لاوان بەڵێنی پشتیوانی و هاوکاریکردنی شاعیری بۆ چاپکردنی بەرهەمەکانی دا و هیوای سەرکەوتنی بۆ خواست.