- رۆژی دووشەممە، لە رێوڕەسمێکدا کتێبی “کاروانی وەرزشیم لە نێوان هێز و هزردا “ـى وەرزشوان و نووسەر سەمیر عەبدوڵڵا ناسێندرا.
رێوڕەسمەکە بە ئامادەبوونى ئومێد خۆشناو، پارێزگارى هەولێر، سەردار ئیسماعیل، بەڕێوەبەری گشتیی وەرزش و لاوان و کەسایەتی و رۆژنامەنووسانى وەرزشى، لە هۆڵى بەرێوەبەرایەتى گشتیى وەرزش بەڕێوەچوو.
پارێزگارى هەولێر وێڕاى پیرۆزبایی لە نووسەر، هیواى سەرکەوتن و بەردوامى بۆ خواست و دەست خۆشى لە سەرپەرشتیاران و ڕیکخەرانى رێورەسمەکە کرد.
کتێبەکە، تایبەتە بە بیرەوەرییەکانی نووسەر وەک وەرزشوانێکى دێرینى شارى هەولێر کە رۆڵى هەبووە لە پێشخستنى وەرزش لە شارەکەدا و یاریزانی تۆپی پێ و دامەزرێنەرانی یەکێتی شەترەنجی هەولێر و ماوەیەکیش سەرۆکی یانەکە بووە.