کۆمپانیای نێتفلێکس پەرەپێدانی جیهانی “Stranger Things” بەرهەمێکی نوێ ڕادەگەیەنێت. زنجیرە ئەنیمەیشنی“Stranger Things: Tales from 1985” بڕیارە لە 23 نیسانی 2026 بە شێوەیەکی جیهانی نمایش بکرێت.
ئەم پڕۆژەیە کە لەلایەن ئێریک ڕۆبڵز و برایانی دەفەر سەرپەرشتی دەکرێت، باس لە ڕووداوەکانی زستانی 1985 لە شارۆچکەی هۆکینز دەکات.
بەرپرسانی نێتفلێکس ڕوونیان کردەوە، ئەم کارە تەنیا گەڕانەوەیەکی نوستالژی نییە، بەڵکو گەڕانە بەدوای نهێنییەکی نوێی سەروو سروشتدا.
شێوازی هونەریی زنجیرەکە لە شێوەی چیرۆکە نەخشێندراوەکانی ساڵانی هەشتاکانە و ئامانجی ڕاکێشانی نەوەی نوێیە.
نێتفلێکس بەردەوام هەوڵ دەدات ئەم زنجیرە ناودارە بکاتە براندێکی بەردەوام کە تەنیا لە درامایەکی تەلەفزیۆنیدا قەتیس نەمێنێت.
بۆ دروستکردنی جۆش و خرۆش، 2 ئەڵقەی یەکەم لە 18 نیسانی 2026 لە سینەما هەڵبژێردراوەکاندا پێشان دەدرێن.
ئەم هەنگاوە نیشانەی گۆڕانی ستراتیژیی نێتفلێکسە بۆ تێکەڵکردنی پەخشی دیجیتاڵی و سینەمایی، بە مەبەستی گەیشتن بە زۆرترین بینەر لە سەرتاسەری جیهاندا.