کۆشکی مایکل جاکسن لە لۆس ئەنجلس، جارێکی دیکە دەبێتەوە بە جێگەی سەرنجی میدیاکان، چونکە ئەو شوێنە شایەتی کۆتا ساتەکانی ژیانی “King of Pop” بووە پێش کۆچی دوایی لە ساڵی 2009.
جاکسن لە کۆتاییەکانی ساڵی 2008، ئەم کۆشکە تەیارەی لە گەڕەکی “Holmby Hills” بە بڕی 100 هەزار دۆلاری مانگانە بەکرێ گرت، بۆ ئەوەی ئامادەکاری بۆ گەشتی هونەری “This Is It” بکات.
ئەم کۆشکە تەنیا شوێنی نیشتەجێبوون نەبووە، بەڵکو قەڵایەکی فەڕەنسی بووە کە لەلایەن “Mohamed Hadid” دروستکرابوو و هەموو پێداویستییەکی وەرزشی و هونەری تێدا فەراهەم کرابوو.
ڕاپۆرتە پزیشکییەکان ئاماژە بۆ ئەوە دەکەن، هۆکاری مردنی جاکسن لە ناو ئەو کۆشکەدا بۆ ژەهراویبوون بە دەرمانی “Propofol” دەگەڕێتەوە.
دوای مردنی، زۆربەی پێدوایستییەکانی ناو ئەو ماڵە لە ڕێوڕەسمێکی تایبەتدا لە زیادکردنێکی ئاشکرادا فرۆشران و داهاتەکەی گەیشتە نزیکەی ملیۆنێک دۆلار. لە ناو ئەو شتانەدا، ئاوێنەیەک هەبوو کە نووسینی دەستی جاکسنی پێوە بوو، هەروەها تابلۆیەکی چێشتخانە کە منداڵەکانی بۆیان نووسیبوو “خۆشمان دەوێیت باوکە”. سەرچاوەکان دەڵێن، کۆشکەکە دواتر لە ساڵی 2012 بە بڕی 18.1 ملیۆن دۆلار بە سەرمایەدارێکی بانک فرۆشراوە.
ئەم شوێنە بەردەوام وەک هێمایەکی خەمناک بۆ ژیانی پڕ لە ناوبانگ و تەنیایی ئەو ئەستێرە جیهانییە دەمێنێتەوە، کە تەنیا تەمەنی 50 ساڵ بوو کاتێک جیهانی جێهێشت.