ئەمڕۆ دووشەممە، 17ـی ئابی 2026، بازاڕەکانی کانزا گرانبەهاکان لەگەڵ کردنەوەی یەکەم ڕۆژی مامەڵەکانی ئەم هەفتەیەدا ڕوویان لە بەرزبوونەوە کردەوە و نرخەکان لەسەر ئاستی جیهانی و بازاڕەکانی ناوخۆدا هەڵکشانێکی نوێیان تۆمارکرد.
لە بازاڕە جیهانییەکاندا، نرخی یەک ئۆنسە زێڕ هەڵکشانێکی بەرچاوی تۆمارکرد و گەیشتە 4,406.39 دۆلار، یەک کیلۆگرام بەرزبووەوە بۆ 141,668.73 دۆلار و یەک گرامیش بە 141.67 دۆلار مامەڵەی پێوە دەکرێت.
هاوکات لە بازاڕەکانی ناوخۆشدا و بەپێی نوێترین نرخەکانی سەندیکای زێڕنگران، بەهای عەیارەکان بە هەمان شێوە هەڵکشانیان تۆمارکرد؛ عەیارەی 22 بەرزبووەوە بۆ 995,016 دینار، عەیارەی 21 گەیشتە 949,788 دینار و عەیارەی 18ـیش لەسەر 814,104 دینار جێگیر بوو.
لەلایەکی دیکەوە، بازاڕی زیو لەسەر ئاستی جیهانی لە ئاستێکی بەرزدا سەقامگیرە، بە جۆرێک لە ئێستادا نرخی هەر ئۆنسەیەک زیو بە 65.84 دۆلارە، هەر کیلۆگرامێک بە 2,116.93 دۆلار مامەڵەی پێوە دەکرێت و نرخی هەر گرامێکیش لەسەر 2.12 دۆلار جێگیر بووە.
شیکارکارانی دارایی ئاماژە بەوە دەکەن، ئەم هەڵکشانە نوێیەی نرخەکان لە دەستپێکی هەفتەدا پەیوەستە بە بەردەوامیی لاوازی بەهای دۆلار و ڕووکردنەپێشەوەی وەبەرهێنەران بۆ کڕینی کانزا گرانبەهاکان، لە کاتێکدا بە وریاییەوە چاودێری ئامارە ئابوورییە نوێیەکان و بڕیارە نەختییەکانی داهاتووی بانکی ناوەندیی ئەمریکا فیدراڵ ڕیزێرف دەکەن.