zagros news agency

سەرکەوتن بەسەر پلیکانەدا بۆ ماوەی یەک خولەک شەکری خوێن دادەبەزێنێت

 

توێژینەوەیەکی زانستیی نوێ دەریخستووە کە سەرکەوتن و دابەزین بەسەر پلیکانەدا بۆ ماوەی تەنها 60 چرکە، یارمەتیدەرە بۆ کەمکردنەوەی بەرزبوونەوەی شەکری خوێن دوای خواردنی بڕێکی زۆر لە شیرینی و شەکر.

لە تاقیکردنەوەکەدا کە لە گۆڤاری “ئێکسپێریمێنتاڵ فیزیۆلۆجی” بڵاوکراوەتەوە، 30 پیاو و ژنی تەندروست دوای خواردنەوەی پەرداخێکی گەورە ئاوی شیرینکراو، بۆ ماوەی یەک خولەک بەسەر پلیکانەدا سەرکەوتن و دابەزین. ئەنجامەکان دەریانخست کە بەرزترین ئاستی شەکری خوێنیان بە ڕێژەی 40% دابەزیوە بەراورد بە کاتی دانیشتن، ئەم کاریگەرییەش بۆ ماوەی 80 خولەک بەردەوام بووە.

توێژەران هۆکارەکەی بۆ ئەوە دەگەڕێننەوە کە جووڵەی ماسولکەکان پێویستیان بە وزە زیاد دەکات و گلوکۆزی زیاتر لە خوێن هەڵدەمژن. هەرچەندە ئەم فێڵە سادەیە جێگرەوەی وەرزشی بەردەوام نییە و ڕێگری لە شەکرەی جۆری دووەم ناکات، بەڵام بژاردەیەکی کردەیی باشە بۆ کاتی جەژن و بۆنەکان کە شیرینی زۆر دەخورێت.

هەواڵی پەیوەندیدار

چەند هۆکارێک وادەکات هەمیشە ماندوو بیت

lana

هەڵەی باو لە کاتی ئاوخواردنەوەدا کە تووشی وشکبوونەوەت دەکەن 

سەڵاح

لیژنەی تەندروستی پەرلەمان: زۆربەی تووشبوانی ئایدز لە سەنتەرەکانی جوانکاری بووە

سەڵاح