چاو بەردەوام پێویستی بە ئاگاداربوونە بۆ پارێزگاریکردن لە تەندروستی و ڕێگریکردن لە کێشەکانی، بەشێوەیەکی گشتی سیستمی خۆراکی و ڕۆژانە کاریگەرییەکی زۆریان لەسەر تەندروستی چاوەکان هەیە.
کۆمەڵێک ڕێنمایی بۆ پارێزگاریکردن لە تەندروستی چاو:
-خواردنی خۆراکە تەندروستەکان کە دەوڵەمەندن بە ڤیتامین ئەی یەکێکە لە ڕێگا تەندروستەکان وەک گێزەر و پەتاتە یارمەتی بەهێزبوونی بینین دەدەن، هەروەها ئەو خواردنانە ڕێژەیەکی زۆر ڤیتامین سی، زینک و دژەئۆکسانەکانیان تێدایە وەک سەوزەوات و میوەکان سوودێکی زۆریان هەیە.
-وەرزشکردنی سوودێی زۆری بۆ تەندروستی گشتی و چاوەکان هەیە، چونکە وادەکات خوێنی پڕ ئۆکسجین بەشێوەیەکی باش بۆ ئەندامەکان بچێت و سوڕی خوێن چالاک دەکات.
-بۆ پارێزگاریکردن لە تەندروستی چاو پێویستە کاتی سەیرکردنی مۆبایل، لاپتۆپ و تەلەفزیۆن دیاریکراو و کەم بێت، چونکە زۆر سەیرکردنیان مەترسی لاوازبوونی بینین زیاددەکەن.
-پەیوەندیەکی زۆر لەنێوان خەو و بینیندا هەیە، چونکە کەمخەوی دەبێتە هۆی هیلاکبوونی جەستە و لاوازبوونی بینین، بۆیە هەموو کەسێک پێویستە حەوت بۆ هەشت کاتژمێر بخەوێت.