ڕۆژانە جگەر بەشێوەیەکی زۆر باش لەپێناوی تەندروستی کەسەکان کاردەکات، پارێزگاریکردن لە تەندروستی و زیادکردنی ئەو خواردنانەی یارمەتی پاککردنەوەی دەدەن بۆ سیستمی خۆراکی زۆر گرنگە.
پێنچ خواردنی ڕووەکی بە هاوڕێی جگەر ناسروان و یارمەتی پاکبوونەوەی لە ژەهرەکان دەدەن بەپێی ماڵپەڕی”onegreenplanet ” ئەوانیش:
-چەوەندەر
سوودێکی زۆری بۆ تەواوی تەندروستی هەیە، دەوڵەمەندە بە دژەئۆکسانەکان، ڕیشاڵ و ترشی فۆلیک یارمەتی جگەر دەدات لە ژەهرەکان ڕزگاریبێت.
-برۆکلی
ڕێژەیەکی زۆر دژەئۆکسان، کلۆرۆفیل، ڕیشاڵ و ڤیتامینەکانی تێدایە یارمەتی دەردانی ئەو ئەنزیمانە دەدات کە جگەر لە ژەهرەکان پاکدەکاتەوە، بەتایبەتی ڤیتامین ئی کە دەتوێتەوە و یەکێکە لە دژەئۆکسانە بەهێزەکان بەتایبەتی بۆ جگەر.
-پەتاتە
پەتاتەی شیرین دەوڵەمەندە بە بێتاکارۆتینەکان، دژەهەوکردنی سروشتین و لەجەستەدا دەگۆڕێن بۆ ڤیتامین ئەی سوودێکی زۆری بۆ تەندروستی هەیە بەتایبەتی تەندروستی جگەر.
-لیمۆ
ڕێژەیەکی زۆر دژەئۆکسان و ڤیتامین سی تێدایە یارمەتی جگەر دەدات ئەو ئەنزیمانە دەربدات کە وزەیەکی زۆر بەجەستە دەبەخشن و یارمەتی هەرس دەدەن، هەروەها یارمەتی ڕزگاربوون لە ژەهرەکان دەدات.
-نیسک
دەوڵەمەندە بە ڕیشاڵەکان و سەرچاوەیەکی سەرەکی پڕۆتینی ڕووەکیە، یەکێکە لەباشترین جۆرەکانی پاقلەمەنی کە هەرسکردنی ئاسانە.