لەپێناو پێشخستنی کارەکان و بەهێزکردنی ڕێکارەکانی سەلامەتیی گشتی، بە سەرپەرشتیی “شمعون شلیمۆن ئیشو” جێگری پارێزگاری دهۆک، کۆبوونەوەی ئەندامانی لیژنەکانی چاودێریکردنی سیستەمی گازی شل (LPG) لە پارێزگای دهۆک ئەنجامدرا.
جێگری پارێزگاری دهۆک بە مەبەستی پاراستنی سەلامەتیی گشتی، سەرجەم لایەنە بەشداربووەکانی ڕاسپارد کە بە ڕژدی و بە هەموو شێوازێک چاودێریی جێگیرکردنی سیستەمی ناوبراو و ئەو شوێنانە بکەن کە سیستەمەکەیان لێ جێگیر کراوە.
هەر کەسێک بیەوێت سیستەمی LPG دابنێت، نابێت بێ ڕەزامەندی و مەرجەکانی لیژنەکە هیچ کارێک بکات.