دوو وورچى نێر و مێ لەناو سروشت و ژینگەى خۆیان ئازادکران و گەڕانەوە بۆ نێو ژینگەی کوردستان.
بەڕێوەبەرایەتی پۆلیس و دارستان و ژینگەی پارێزگای سلێمانی بڵاویکردەوە، دوای ئەوەی لەلایەن ئاسایشی سلێمانیەوە دوو ورچ لە ناحیەى گەرمک لە ناو خانویەکى چۆڵدا دەستى بەسەردا گیرا و ڕادەستی بەڕێوەبەرایەتیمان کرا دواتر لەسەر فەرمانی دادوەری دادگای لێکۆڵینەوەی سەید سادق و بەڕێوەبەری بەڕێوەبەرایەتیمان، لەلایەن مەفرەزەیەکی بەشی پۆلیسی دارستان و ژینگەی سەیدسادقەوە بەسەرپەرشتی بەڕێوەبەری بەشەکەیان و بە هاوکاری مەفرەزەیەکی ئاسایشی خورماڵ و نوێنەری بنکەی پۆلیسی دارستان و ژینگەی خورماڵەوە دواى پرس و ڕاوێژکردن و دڵنیابوونەوە توانرا هەردوو ورچەکە بگەڕێندرێتەوە بۆ سروشتی خۆیان و ئازادکران.
بەڕێوەبەرایەتی پۆلیس و دارستان و ژینگەی سلێمانی ڕاشیدەگەیەنێت کە ئاسایش هەمیشە هاوکارو هەماهەنگ بوونە لە ڕوبەڕووبوونەوەی سەرپێچیکاران و پاراستنی سروشت و ژینگە.