وەزارەتی دەرەوەی ئەمریکا، ڕایگەیاند کە پرسی وردەکارییەکانی یەکخستنی هێزەکانی پێشمەرگە بۆ حکومەتی هەرێمی کوردستان دەگەڕێتەوە، هەروەها جەختی لە پشتیوانیکردنی وڵاتەکەی بۆ هەرێمێکی بەهێز و خۆڕاگر کردەوە و داوای لە لایەنە پەیوەندیدارەکان کرد بە خێرایی و بونیادنەرانە کار بۆ بەهێزکردنی دامەزراوەکانی هەرێم بپەرپێبدەن.
وتەبێژێک بە ناوی وەزارەتی دەرەوەی ئەمریکا، لە وەڵامی پرسیارێکی «شەفەق نیوز»دا سەبارەت بە هەڵوێستی ئیدارەی ئەمریکا لەسەر ڕاگەیاندنی یەکخستنی هێزەکانی پێشمەرگە ڕایگەیاند: «ویلایەتە یەکگرتووەکان پشتیوانی لە هەرێمی کوردستانێکی بەهێز و خۆڕاگر دەکات، وەک کۆڵەکەیەکی سەرەکی لە پەیوەندییەکانی ئەمریکا و عێراقدا.»
وتەبێژەکەی وەزارەتی دەرەوەی ئەمریکا هانی سەرجەم لایەنەکان دا کە بە خێرایی و بە شێوازێکی بونیادنەرانە کار لەسەر ئەو دۆسیەیانە بکەن کە دەبنە هۆی بەهێزکردنی دامەزراوەکانی هەرێمی کوردستان.