ئهڤرۆ سێشهمبی، 28ێ نیسانا 2026، ل پارێزگهها دهۆكێ پێشوازی ل مۆراد ئیسماعیل، ئهندامێ ئهنجۆمهنێ نوینهرێن عیراقێ و ئهندامێ ههڤپهیمانیا كهیسا ئێزدیان هاتهكرن و تێدا ڕهوشا ئاواران و پاشهڕۆژا وان هاته گۆتوبێژكرن.
د كۆمبوونهكێ دا كو ل دۆر ڕهوشا كهمپێن سنۆرێ پارێزگهها دهۆكێ هاتبوو سازكرن، ب هووری بهحسێ ژیارا خویشك و برایێن ئاواره ب گشتی هاتهكرن. تهوهرێ سهرهكی یێ دانوستاندنان ل سهر كارۆبارێن ئیداری، ڕێكخراوهیی و ئاستێ پێشكێشكرنا خزمهتگۆزاریان بوو د ناڤ كهمپاندا.
د پشكهكا دی یا ڕۆنشتنێ دا، جهخت ل سهر گههاندنا داخوازی و كێشهیێن ئاواران بۆ ئهنجۆمهنێ نوینهرێن عیراقێ هاتهكرن، ب مهرهما دابینكرنا پشتهڤانیهكا زێدهتر و چارهسهركرنا ئاریشهیێن وان یێن یاسایی و دارایی د ناڤ پهرلهمانێ عیراقێ دا.
ههروهسا ههردو ئالیان بهحسێ ههوڵێن بهردهوام یێن لایهنێن پهیوهندیدار كر بۆ ئامادهكرنا زهمینهكێ گونجای دا كو ئاواره ب سهربلندی و دۆخیكێ ئارام ڤهگهڕێنه سهر جهـ و وارێن خۆ یێن ڕهسهن و كۆتایی ب ژیانا كهمپنشینیێ بهێیت.