ئەڤرۆ ئەینی، ب بڕیارا مەسرور بارزانی، سەرۆکێ حکومەتا هەرێما کوردستانێ، دەست ب دابەشکرنا هاریکاریا دارایی یا هەیڤا سێ (ئادارێ) بۆ ئەو ڕزگاربوویێن ئێزدی هاتە کرن یێن کو کەفتبوونە دەستێ چەکدارێن داعشێ.
ل دویڤ زانیاریان، پرۆسەیا دابەشکرنێ ل دەمژمێر 10ی سپێدێ دەستپێکریە و ب ڤی شێوەیێ خوارێ ل سەر دەڤەرێن جودا دێ هێتە دابەشکرن:
📍 ئەڤرۆ ئەینی: ل قەزا شێخان، ئاڤاهیێ بنگەهێ لالش.
📍 شەمبی (2026/5/23): ل ناحیا خانکێ، هۆلا لالش – قەسرزدین.
📍 ئێکشەمبی (2026/5/24): ل کۆمەلگەها شاریا، هۆلا لالش 1.
📍 دووشەمبی (2026/5/25): ل کۆمەلگەها دێرەبوون، هۆلا لالش.
ئەڤ هاریکارییە د چارچۆڤەیێ پشتەڤانیا بەردەواما سەرۆکێ حکومەتێ داهێت بۆ کەسوکارێن ڕزگاربوویێن ئێزدی دا کو بشێن پێتڤیێن خۆ یێن ژیانێ دابین بکەن.
