لە نزیک بەنداوی خاسە لە شاری کەرکوک، بەهۆی دەستڕێژی گوللەوە دوو برای تەمەن مێردمنداڵ بریندار بوون و ڕەوانەی نەخۆشخانە کران.
بەپێی زانیارییەکان، ڕووداوەکە لە کاتێکدا بووە کە لەناو ئۆتۆمبێلێکی جۆری پیکابەوە تەقە لەو دوو برایە کراوە. سەرچاوەکان ئاماژە بەوە دەدەن کە بریندارەکان تەمەنیان ١٦ و ١٧ ساڵە.
دەستبەجێ دوای ڕووداوەکە، بریندارەکان بۆ وەرگرتنی چارەسەری پزیشکی گواستراونەتەوە بۆ نەخۆشخانە. تاوەکو ئێستا هۆکاری تەقەکردنەکە و ناسنامەی هێرشبەرەکان بە فەرمی ڕانەگەیەندراوە و هێزە ئەمنییەکان دەستیان بە لێکۆڵینەوە لە ڕووداوەکە کردووە.