دوای ئەوەی گرتەیەکی ڤیدیۆیی لە تۆڕە کۆمەڵایەتییەکان بڵاوبووەوە، کە تێیدا دەرکەوتووە لە یەکێک لە شەقامەکانی شاری هەولێر، کەسێک ڕێگری لە هاووڵاتییەکی بەتەمەن دەکات لە کاتی گەڕانەوەی بۆ ماڵەوە و هێرشی دەکاتە سەر، ئەم دیمەنە ناڕەزایەتی و دەنگدانەوەیەکی زۆری لەناو هاووڵاتیاندا لێکەوتەوە.
لەسەر ڕاسپاردە و بەدواداچوونی ڕاستەوخۆی بەڕێوەبەری پۆلیسی هەولێر، لەرێگای تیمەکانمان لە بەشی پۆلیسی (فریاکەوتن) ، تواندرا تۆمەتبار(أ-ف-د)دەستگیر بکرێت
وە لە لێکۆڵینەوە سەرەتاییەکاندا دەرکەوتووە کە تۆمەتباری ناوبراو نەخۆشی دەروونی هەیە.
. لە ئێستاشدا پەڕاوی لێکۆڵینەوەی بۆ ڕێکخراوەو بە بڕیاری دادوەری لێکۆڵینەوەی هەولێر، تۆمەتبار ڕاگیراوە بەپێ مادەی ٤١٣ لەیاسای سزادان.