یانەیا دهۆک یا وەرزشی ب فەرمی گرێبەستا خۆ دگەل ستێر و کاپتنێ هەلبژارتیێ سووریا، مەحموود ئەلمەواسی راگەهاند، بۆ پشتبەستن ب شیانێن وی د وەرزێ نوو یێ خولا پیشەکارێن عێراقێ دا.
یانەیا دهۆک ئاشکرا کر کۆ پیشەکارێ راستەقینە ل تیمەکێ ناگەریێت، بەلکو ل پرۆژەیەکێ دگەریێت کو دیرۆکێ دروست بکەت.
ڕاگەهاند، ئەڤرۆ کاپتنێ هەلبژارتیێ سووریا بڕیار دا ببیتە بەشەک ژ هیڤی و ئارمانجێن یانەیا دهۆکێ، و ب خێرهاتنا وی بۆ ناڤ ڕێزێن تیما دهۆکێ کر.
تێزانین کۆ ئەڤ پێنگاڤا کارگێڕیا یانەیا دهۆک د چارچۆڤێ بڵندکرنا ئاستێ تیمێ و هەڤڕکیکرنێ د داهاتی دا دهێت، کو ب ئینانا وی یاریکەری هیڤیێن جەماوەرێ پارێزگەها دهۆکێ بۆ ب دەستڤەئینانا ئەنجامێن مەزن پتر لێ دبن.