بەڕێوەبەرایەتیی گشتیی تەندروستیی زاخۆ ڕایگەیاند کە سەرجەم ئەو کێشە و ئاستەنگانەی لە بەشی چاودێریی چڕی نەخۆشخانەی گشتیی زاخۆ دروستببوون، بە تەواوی چارەسەر کراون.
هاوکات ئاماژە بەوەشکراوە کە کاروبارەکانی پاکژکردنەوە و تەعقیمکردنی بەشەکە کۆتاییان هاتووە و لە ئێستادا ئامادەکاریی تەواو کراوە بۆ پێشوازیکردن لە نەخۆشان.
بڕیارە هەر ئەمڕۆ ئەم بەشە گرنگە بە ڕووی هاووڵاتییاندا بکرێتەوە و بکەوێتە خزمەتگوزاریی پزیشکییەوە، بەمەش بارگرانییەکی زۆر لەسەر نەخۆشانی دەڤەرەکە کەم دەبێتەوە.