ئەمڕۆ پێنجشەممە، 23ـی تەممووزی 2026، بازاڕەکانی کانزا گرانبەهاکان پاشەکشەیەکی کەمیان بەخۆوە بینی و دوای بەرزبوونەوە خێراکەی دوێنێ، نرخەکان لەسەر ئاستی جیهانی و بازاڕەکانی ناوخۆدا لە ئاستێکی بەرزی سنوورداردا وەستان.
لە بازاڕە جیهانییەکاندا، نرخی یەک ئۆنسە زێڕ کەمێک ڕووی لە دابەزین کرد بۆ 4,122.26 دۆلار، یەک کیلۆگرام بە 132,533.58 دۆلارە و یەک گرامیش بە 132.53 دۆلار مامەڵەی پێوە دەکرێت.
هاوکات لە بازاڕەکانی ناوخۆشدا و بەپێی نوێترین نرخەکانی سەندیکای زێڕنگران، بەهای عەیارەکان کەمێک گۆڕانکارییان بەسەردا هات؛ عەیارەی 22 بە 951,868 دینار، عەیارەی 21 بە 908,601 دینار و عەیارەی 18ـیش لەسەر 778,801 دینار جێگیر بوو.
لەلایەکی دیکەوە، بازاڕی زیویش کەمێک ڕووی لە پاشەکشە کرد، بە جۆرێک لە ئێستادا نرخی هەر ئۆنسەیەک زیو لەسەر 59.58 دۆلارە، هەر کیلۆگرامێک بە 1,915.41 دۆلار مامەڵەی پێوە دەکرێت و نرخی هەر گرامێکیش بە 1.92 دۆلار جێگیر بووە.
شروڤەکارانی دارایی ئاماژە بەوە دەکەن، پەرەسەندنەکانی جەنگ لە ڕۆژهەڵاتی نێوەڕاست و بەرزبوونەوەی نرخی نەوت، بوونەتە هۆکار بۆ ئەوەی نرخی زێڕ نەتوانێت زیاتر بەرزبێتەوە؛ بەپێی شرۆڤەکاران نرخی زێڕ تاوەکو ئێستا ئاڕاستەیەکی ڕوونی نییە و نرخەکەی لە بازنەیەکی سنوورداردا مامەڵەی پێوەدەکرێت، لە کاتێکدا وەبەرهێنەران بە وردی چاودێری ئاڕاستەی سیاسەتە نەختییەکانی بانکی ناوەندیی ئەمریکا فیدراڵ ڕیزێرف دەکەن.