zagros news agency

سێ چەکداری حەشدی شەعبی بە دەستی هاوڕێیەکیان کوژران

 

ئەمڕۆ سێشەممە، 11-8-2026، سەرچاوەیەکی ئەمنی ڕایگەیاند، سێ ئەندامی هێزەکانی حەشدی شەعبی، کە خەڵکی پارێزگای موسەننان، بەهۆی رووداوێکی تەقەکردن لە ناو یەکێک لە بارەگاکانی حەشد لە پارێزگای سەلاحەددین گیانیان لەدەست دا.

سەرچاوەکە بە ئاژانسی شەفەق نیوزی ڕاگەیاندووە، سێ کوژراوەکە لە کاتی ئەنجامدانی ئەرکدا لە ناو بارەگایەکی حەشدی شەعبی، لەلایەن هاوکارێکیانەوە تەقەیان لێ کراوە.

سەرچاوەکە ئاماژەی بەوەش دا کە تا ئێستا هۆکار و پاڵنەرەکانی پشت ئەم رووداوە نەزانراون، و هێزە ئەمنییەکان دەوروبەری شوێنی رووداوەکەیان گەمارۆ داوە و تەقەکەرەکەیان دەستگیر کردووە، هەروەها لێکۆڵینەوەیان بۆ ئاشکراکردنی وردەکارییەکانی رووداوەکە دەست پێ کردووە.

سەرچاوەکە ئەوەشی خستە ڕوو کە ئۆتۆمبێلەکانی فریاکەوتن دەستبەجێ گەیشتوونەتە شوێنی رووداوەکە و تەرمی قوربانییەکانیان بۆ بەشی پزیشکی دادوەری لە سەلاحەددین گواستووەتەوە، بۆ ئەوەی دوای تەواوبوونی رێکارە یاساییەکان ڕادەستی کەسوکاریان بكرێنەوە.

هەواڵی پەیوەندیدار

کۆمپانیای Apple ئەم ئامێرانی نمایش کرد

سەڵاح

گرامی ڕەخنەکان سەبارەت بە خەڵاتە نوێیەکە تاوتوێ دەکات

ART

دابەزینی دۆلار نرخەکانی زێڕ و زیوی لە بازاڕەکانی جیهان و ناوخۆدا بەرزکردەوە

سەڵاح