ب ڕێژا ٩٥% كار لسه‌ر پڕۆژێ ڕۆناهیكرنا ڕێكا پیاده ژ دوریانا گه‌لییێ دهوكێ هه‌تا كێلیا شه‌داییێ هاتیه كرن لگوری ڕاگەهاندنا پارێزگەها دهۆکێ.
هەروەسا دبێژیت، ئه‌ف پرۆژه ئێكه ژ پڕۆژه‌ییێن د چوارجوڤێ به‌ڕنامێ خه‌ملاندنا سیمایێن باژێرا و ڕۆناهیكرن و سالامه‌تییا هاتنوچۆنا هاولاتی و گه‌شتیاران و پێشڤه‌برنا كه‌رتێ گه‌شتیاری ژلایێ ڕێڤه‌به‌رییا به‌لافكرنا كاره‌با دهوكێ.
گوتژی، ماوێ پڕۆژه‌ی ٦٠رۆژن,كۆمپانییا جێبه‌جێكار یا”ئه‌دما ADMA” زویتر ژده‌مێ ده‌ستیشانكری كار به‌ره‌ڤ قۆناغێن دوماهییێ بریه.
ل دوماهیکێ هەر وێ ڕاگەهاندنا پارێزگەها دهوکێدا هاتیە کۆ، د پڕۆژه‌یدا پتر ژ ٢٢٠ستوینێن كاره‌بێ هاتینه دانان و ده‌لیڤێن كاری بو پتر ژ ٢٠كه‌سان جودا ژ ئه‌ندازیارێن كۆمپانییێ هاتینه ڕه‌خساندن.