بەڕێوەبەرایەتی گشتیی کەشناسی و بوومەلەرزەزانیی هەرێمی کوردستان، پێشبینییەکانی کەشوهەوای 48 کاتژمێری داهاتووی بڵاوکردەوە و ڕایگەیاند، بەهۆی کاریگەریی لاوازی نزمەپەستانی دەریای سپیی ناوەڕاست، شەپۆلێکی بارانبارین و هەورەبروسکە ڕوو لە بەشێک لە ناوچەکانی هەرێم دەکات.
بەپێی ڕاگەیەندراوەکەی کەشناسی، ئەمڕۆ چوارشەممە ئاسمانی زۆربەی ناوچەکان لەنێوان نیمچەهەور و هەوری تەواودا دەبێت، هاوکات ئەگەری کەمێک نمەباران لە ناوچە شاخاوییەکانی باکوور و باکووری ڕۆژئاوای هەرێم هەیە.
سەبارەت بە سبەی پێنجشەممە، کەشناسی ئاماژەی بەوە کردووە کە ئاسمان هەوری تەواو دەبێت؛ سەرەتا بارانبارین لە سنووری پارێزگای دهۆک و ئیدارەی سەربەخۆی زاخۆ دەست پێدەکات بە شێوەی نمەباران و بارانی مامناوەند و هەندێک جار بروسکەشی لەگەڵ دەبێت، پاشان شەپۆلەکە دەگاتە سنووری پارێزگای هەولێر و ئیدارەی سەربەخۆی سۆران و تا درەنگانی شەو بەردەوام دەبێت.
بەرزترین پلەکانی گەرمای پێشبینیکراو بۆ هەردوو ڕۆژ (بە پلەی سیلیزی):
| شار / ناوچە | ئەمڕۆ چوارشەممە (14-10) | سبەی پێنجشەممە (15-10) |
| هەولێر | 30 | 31 |
| سلێمانی | 28 | 29 |
| دهۆک | 28 | 27 |
| هەڵەبجە | 30 | 31 |
| گەرمیان | 37 | 38 |
| چەمچەماڵ | 31 | 32 |
| زاخۆ | 27 | 26 |
| ئاکرێ | 27 | 26 |
| پیرمام | 25 | 26 |
| حاجی ئۆمەران | 17 | 17 |