سەرچاوەیەکی باڵا لە حیزبی سۆسیالیست دیموکراتی کوردستان، بۆ ئاژانسی هەواڵی زاگرۆس ڕایگەیاند کە هەست دەکەن جۆرێک لە گوشاری سیاسی لەسەر بەڕێز محەمەدی حاجی مەحمود، سەرۆکی پارتەکەیان هەیە.
سەرچاوەکە ئاماژەی بەوە دا کە ئەم جۆرە گوشارە بە ئاراستەکراوی سیاسی دەبینن و لە ماوەی ڕابردووشدا هەندێک کاردانەوە، نووسین و یاریی سیاسی لە دژی کاک حەمە هەبووە، کە پێیان وایە ئامانج لێی گوشارخستنەسەر حیزبی سۆسیالیستە.