ئەمڕۆ دووشەممە، 2ـی تشرینی دووەمی 2026، وەزارەتی ناوخۆی عێراق رایگەیاند، لە مانگی تشرینی یەکەمدا 94 تۆمەتبار بە تاوانی قاچاخچێتی بە بەرهەمە نەوتییەکان دەستگیر کراون و دەستیش بەسەر 89 تانکەردا گیراوە.
میقداد میری، بەڕێوەبەری فەرمانگەی پەیوەندییەکان و راگەیاندنی وەزارەتی ناوخۆ لە راگەیەندراوێکدا روونیکردەوە، بەڕێوەبەرایەتیی پۆلیسی وزە و پێکهاتەکانی سەر بە وەزارەت لە نێوان 1ـی تشرینی یەکەم تا 1ـی تشرینی دووەمی 2026، توانیویانە ئەو ژمارە تۆمەتبارە لە سەرانسەری پارێزگاکانی عێراق دەستگیر بکەن.
میقداد میری ئەوەشی خستەڕوو، دەست بەسەر 89 تانکەر و ئۆتۆمبێلی جۆراوجۆردا گیراوە کە بۆ کاری قاچاخچێتی ئامادە کرابوون. ئەم هەڵمەتە سەرجەم پارێزگاکانی عێراقی گرتووەتەوە بەدەر لە هەرێمی کوردستان.
بەڕێوەبەری فەرمانگەی پەیوەندییەکان و راگەیاندنی وەزارەتەکە باسی لەوەش کرد، هەوڵە مەیدانییەکان بووە هۆی هەڵکوتانەسەر 8 مۆڵگەی قاچاخچییان لە پارێزگاکانی کەربەلا، سەڵاحەدین و زیقار.
لەو مانگەدا زیاتر لە 2 ملیۆن و 226 هەزار و 750 لیتر بەرهەمی نەوتی کە پێچ