عەلی یەرلیکایا، وەزیری ناوخۆی تورکیا، ڕایگەیاند، پرۆسەی گەڕانەوەی پەنابەرانی سووریایی بۆ وڵاتەکەیان بەردەوامە و لەدوای ڕووخانی ڕژێمی پێشووی ئەسەدەوە تا ئێستا، ٤٧٤ هەزار و ١٨ پەنابەری سووریایی لە تورکیاوە گەڕاونەتەوە سەر ماڵ و حاڵی خۆیان.
یەرلیکایا ئاماژەی بەوەش کرد، ئەو پەنابەرانە بە ویستی خۆیان گەڕاونەتەوە و زۆربەیان ڕوویان لەو ناوچانە کردووە کە لەژێر کۆنترۆڵی حکوومەتی کاتیی سووریادان.
وەزیری ناوخۆی تورکیا هەروەها گوتی، لە ساڵی ٢٠١٦ـەوە تا ئێستا، کۆی گشتیی یەک ملیۆن و ٢١٣ هەزار و ٦٢٠ پەنابەری سووریایی لە تورکیاوە گەڕاونەتەوە بۆ سووریا.