ئەمڕۆ، بازاڕەکانی زێڕ گۆڕانکاری نوێیان بەخۆوە بینی و دوای ئەو دابەزینانەی لە دەستپێکی هەفتەکەدا تۆماریان کردبوو، نرخەکان دووبارە ڕوویان لە بەرزبوونەوە کردەوە، ئەمەش وەک کاردانەوەیەک بۆ جووڵە نوێیەکانی ناو بازاڕی دارایی جیهانی.
لە بازاڕە جیهانییەکاندا نرخی یەک کیلۆگرام زێڕ بەرزبووەوە بۆ 146,264.52 دۆلار، هەروەها نرخی هەر ئۆنسەیەک زێڕ گەیشتە 4,549.34 دۆلار، لە کاتێکدا نرخی یەک گرام زێڕ بە 146.26 دۆلار مامەڵەی پێوە دەکرێت.
هاوکات لەگەڵ ئەم بەرزبوونەوە جیهانییە، لە بازاڕەکانی ناوخۆشدا و بەپێی نرخی فەرمی سەندیکای زێڕنگران، نرخی عەیارەکان بەهایەکی زیاتریان بەدەستهێنا و بەم شێوەیە جێگیر بوون؛ عەیار 22 بە 1,028,021 دینار، عەیار 21 بە 981,292 دینارە و عەیار 18 بە 841,108 دینار مامەڵەی پێوە دەکرێت.